Осындай атаумен Алтынсарин ауданының Зуев мектебінде 9-сынып оқушыларының ата-аналарына арналған тренинг элементтері бар жиналыс өтті.
Жақын арада оқушыларды толқынысқа толы кезең — қорытынды аттестаттау және ББЖМ күтіп тұр. Оларды қалай қолдау керек? Бұл сынақты артық күйзеліссіз қалай еңсеруге болады? Осы мәселелер М.В. Цаанның жетекшілігімен өткен кездесуде талқыланды.
Ортақ тақырыпты талқылау, әрине, өте маңызды. Алайда психологиялық жаттығуларға белсенді қатысусыз алынған ақпараттың әсері толық болмайды. Сол себепті мектеп психологтері ата-аналарға белгілі бір жағдайларды ойнап көруді, яғни сол сәтті өздері «бастан өткеруді» ұсынады.
Бұл жағдайда психолог И.В. Дроздова өткізген тренинг ересектерге мынадай қорытынды жасауға көмектесті: ата-аналар тарапынан болатын мазасыздық, ішкі кернеу және шамадан тыс бақылау баланың күйзелісін күшейтіп, оқу мотивациясын төмендетуі мүмкін.
Расында да, ата-ананың психоэмоциялық жағдайы балаларға тікелей әсер етеді: мазасыз ересек — мазасыз жасөспірімді қалыптастырады, ал сабырлы әрі өзіне сенімді ата-ана баланың қауіпсіздік сезімін және өзіне деген сенімін арттырады. Мұны ұмытпаңыздар, құрметті ата-аналар!