Жуырда Қостанай қаласындағы №17 жалпы білім беретін мектепте 5–11-сынып оқушыларының ата-аналарына арналған семинар-тренинг өтті. Кездесудің толық тақырыбы – «Жасөспірімдер арасындағы буллингтің, отбасындағы зорлық-зомбылықтың және аутодеструктивті мінез-құлықтың алдын алу».
«Отбасылық клуб» жобасы аясында ұйымдастырылған бұл іс-шараның мақсаты – ата-аналардың қауіп факторлары туралы білімін кеңейтіп, балалар кездесетін қиындықтарға дер кезінде әрі дұрыс әрекет етуге дайын болуын арттыру.
Педагог-психолог пен әлеуметтік педагог ең алдымен буллинг пен кибербуллингтің түрлері, тұрмыстық зорлық-зомбылықтың белгілері, сондай-ақ жасөспірімдердегі қауіпті мінез-құлықтың ерте байқалатын белгілері туралы жан-жақты ақпарат берді.
Одан кейін ата-аналарға талқылауға нақты өмірлік жағдайлар ұсынылды. Сонымен қатар балалармен конструктивті қарым-қатынас орнатуға арналған практикалық ұсынымдар мен құралдар берілді. Ең бастысы – қатысушылар жасөспірімдерді күйзелісті жағдайларда қолдау стратегияларын бірлесе пысықтады.
Жасөспірімдік кезең – эмоциялық тұрғыдан тұрақсыз уақыт. Осы кезде балаға ата-ананың назары, қамқорлығы мен қолдауы ерекше қажет. Мұндай тақырыптарды талқылау отбасында сенімді қарым-қатынасты қалыптастыруға және қауіпті салдардың алдын алуға көмектеседі