АТА-АНАЛАР ЖИНАЛЫСЫ: «БАЛАЛАРДЫҢ ҚАУІПСІЗДІГІ – БАРШАМЫЗҒА ОРТАҚ МІНДЕТ!»

Арқалық қаласындағы Т.Әубәкіров атындағы жалпы білім беретін мектепте Орталығымыздың облыстық «Отбасылық клуб» жобасы аясында өте маңызды мәселелерге арналған ата-аналар жиналысы өтті.

Кездесудің негізгі мақсаты – жасөспірімдер арасындағы аутоагрессивті мінез-құлықтың, зорлық-зомбылық пен буллингтің алдын алу бағытында отбасыларға профилактикалық қолдау көрсету.

Жиналыс барысында:

• Жасөспірімдердің психоэмоциялық жағдайы бойынша түсіндіру жұмыстары жүргізілді;
• Буллинг пен кибербуллингтің белгілері, себептері және алдын алу шаралары қарастырылды;
• Ата-аналардың қатысуымен тренингтік жаттығулар өткізілді.
• Тақырыпқа байланысты бейнероликтер көрсетіліп, белсенді пікір алмасу ұйымдастырылды.

Жиналыс соңында педагог-психолог ата-аналарға қажетті ақпараттары бар жадынамалар таратты.

Кездесудің басты нәтижесі – ата-аналар мен мектеп арасындағы ынтымақтастықты нығайту және балалар үшін қауіпсіз әрі жайлы орта қалыптастыру бағытындағы бірлескен жұмысты күшейту болды.

Дұрыс қорытынды жасалды: баланың қауіпсіздігі – тек мектептің емес, әрқайсымыздың жауапкершілігіміз!